جنگ نیوز
جموں و کشمیر کے وزیر اعلیٰ عمر عبداللہ نے بدھ کے روز ایک تقریب کے دوران ترنگا نما ربن کاٹنے سے اجتناب کرتے ہوئے قومی پرچم کے احترام کی مثال قائم کی۔
یہ واقعہ حکومت کی ’ اَپنے کاریگر کو جانیںپہل کی افتتاحی تقریب میں پیش آیا، جہاں عمر عبداللہ بطور مہمانِ خصوصی مدعو تھے۔ افتتاح کے لیے جب انہیں ربن کاٹنے کو کہا گیا تو انہوں نے دیکھا کہ ربن بھارتی قومی پرچم کے رنگوں سے مشابہ ہے۔
اس پر وزیر اعلیٰ نے فوری طور پر اعتراض کرتے ہوئے منتظمین کو ہدایت دی کہ ربن کو کاٹنے کے بجائے کھولا جائے۔ بعد ازاں انہوں نے خود بھی منتظمین کے ساتھ مل کر ربن کو کھولنے میں مدد کی۔
