رمیز مخدومی
جنگ نیوز ڈیسک
سرینگر/ کیئر فاؤنڈیشن چیریٹیبل ٹرسٹ Care Foundation and Charitable Trust کے اہتمام سے ٹائیگور ہال کے کانفرنس روم میں یک روزہ بین المذاہب کانفرنس منعقد ہوئی، جس میں مختلف علاقوں سے علماء، دانشوروں اور سماجی کارکنوں نے شرکت کی۔
مقررین نے اپنے خیالات کا اظہار کرتے ہوئے بین المذاہب ہم آہنگی، رواداری اور باہمی احترام کی اہمیت پر زور دیا اور کہا کہ موجودہ دور میں امن اور بھائی چارے کو فروغ دینا ناگزیر ہے۔
تقریب میں کئی ممتاز شخصیات نے خطاب کیا جبکہ پروگرام کی صدارت چیئرمین کیئر فاؤنڈیشن نے کی۔ افتتاحی کلمات ڈاکٹر مہجبین نبی نے پیش کیے اور نظامت ڈاکٹر واحد رضا نے انجام دی۔
کانفرنس کے دوران اس بات پر اتفاق کیا گیا کہ مختلف مذاہب کے ماننے والوں کے درمیان مکالمہ اور تعاون کو فروغ دینا وقت کی اہم ضرورت ہے۔
آخر میں شرکاء میں اسناد تقسیم کی گئیں اور اس عزم کا اظہار کیا گیا کہ مستقبل میں بھی ایسے پروگرام منعقد کیے جاتے رہیں گے تاکہ امن اور ہم آہنگی کو مضبوط بنایا جا سکے۔
کیمرہ: اقبال بیگ
