جنگ نیوز ڈیسک
جموں/ سنٹرل یونیورسٹی آف جموں کے ماس میڈیا کے دوسرے بیچ نے محکمہ اطلاعات و تعلقات عامہ (DIPR) جموں میں اپنی انٹرن شپ کامیابی سے مکمل کر لی۔ اس موقع پر ڈائریکٹر اطلاعات، نیتیش راجورہ نے طلبہ کی حوصلہ افزائی کی اور انہیں تکمیلِ انٹرن شپ کے اسناد سے نوازا۔
ڈائریکٹر اطلاعات نے طلبہ کو میڈیا اور ابلاغ عامہ کے میدان میں لگن، دیانتداری اور مہارت کے ساتھ آگے بڑھنے کی تلقین کی۔
انہوں نے نوجوانوں کے جذبے اور سیکھنے کے شوق کو سراہتے ہوئے کہا کہ ایسے پروگرام نوجوانوں کو عملی تجربہ فراہم کر کے ان کے کیریئر کی بنیاد مضبوط کرتے ہیں۔
یہ انٹرن شپ پروگرام ڈی آئی پی آر جموں کے Youth Empowerment اورMedia Internship کے تحت منعقد ہوا۔
