سرینگر، 16 ستمبر:
میرواعظِ کشمیر ڈاکٹر مولوی محمد عمر فاروق نے بدھ کے روز مقدس شہر مکہ المكرمہ کے قریب ڈرون حملے کی اطلاعات پر شدید تشویش کا اظہار کیا۔
سوشل میڈیا پلیٹ فارم ‘ایکس’ پر اپنے ایک پیغام میں میرواعظ عمر فاروق نے کہا: ”مقدس شہر مکہ المكرمہ کے قریب ڈرون حملے کی اطلاعات انتہائی تشویشناک اور قابلِ مذمت ہیں، جس سے دنیا بھر کے مسلمانوں میں شدید رنج و غم پھیل گیا ہے۔ یہ خطہ پہلے ہی طویل کشیدگی اور تنازعات کی زد میں ہے، ایسے میں تمام فریقین کو ضبط و تحمل کا مظاہرہ کرنا چاہیے اور فوری طور پر بات چیت اور سفارت کاری کی طرف لوٹنا چاہیے۔“
