گاندربل، 21 اگست،
ضلع گاندربل کے علاقے کنگن میں کیجپارہ کے ڈمپنگ پارک کے قریب جمعہ کے روز نالہ سندھ میں نہاتے ہوئے سلیپ ہونے کے باعث سرینگر سے تعلق رکھنے والا ایک 18 سالہ نوجوان ڈوب گیا ہے۔
نوجوان کی شناخت دانش بلال ولد بلال احمد حجام ساکن حافظ باغ نزد کشمیر یونیورسٹی، سرینگر کے طور پر ہوئی ہے۔
رپورٹس کے مطابق یہ واقعہ اس وقت پیش آیا جب نوجوان نالے میں نہا رہا تھا۔ واقعے کے فوری بعد پولیس اور مقامی لوگوں نے موقع پر پہنچ کر نوجوان کی تلاش کے لیے سرچ آپریشن شروع کر دیا۔
آخری اطلاعات ملنے تک لاپتہ نوجوان کی تلاش کی کوششیں جاری تھیں۔
