جنگ نیوز ڈیسک
سرینگر/ یومِ آزادی کی 80ویں تقریبات کے سلسلے میں گورنمنٹ کالج آف ایجوکیشن، ایم اے روڈ سرینگر میں بین الکلیاتی حب الوطنی گائیکی و مصوری مقابلے کی اختتامی تقریب منعقد ہوئی، جس میں وادی کے مختلف اضلاع کے اسکولوں اور کالجوں کے طلبہ نے شرکت کی۔
ڈپٹی کمشنر سرینگر اکشے لابرو نے تقریب کی صدارت کی۔ اس موقع پر پروفیسر (ڈاکٹر) سیما ناز، عادل فرید، الفریڈ تھامس، مختلف کالجوں کے پرنسپل، طلبہ اور اساتذہ موجود تھے۔
ڈپٹی کمشنر نے شرکاء کی حوصلہ افزائی کرتے ہوئے کہا کہ نوجوان اپنی صلاحیتوں، علم اور تخلیقی فکر کو معاشرے کی بہتری اور ملک کی تعمیر و ترقی کیلئے استعمال کریں۔ انہوں نے ذمہ دار شہری بننے، نظم و ضبط اور حب الوطنی کے جذبے کو فروغ دینے پر زور دیا۔
بعد ازاں مختلف زمروں کے نمایاں شرکاء میں انعامات اور اسناد تقسیم کی گئیں، جبکہ ثقافتی پروگرام بھی پیش کیا گیا
