جنگ نیوز ڈیسک
سرینگر، 29 جولائی:
جے اینڈ کے بینک نے مالی سال 2026-27 کی پہلی سہ ماہی (30 جون 2026 تک) میں 424.18 کروڑ روپے کا خالص منافع حاصل کیا ہے۔ بینک کے بورڈ آف ڈائریکٹرز نے منگل کو منعقدہ اجلاس میں مالی نتائج کی منظوری دی۔
بینک کا مجموعی کاروبار سالانہ بنیاد پر 20 فیصد سے زائد اضافے کے ساتھ 3,03,923 کروڑ روپے تک پہنچ گیا، جو پہلی بار 3 لاکھ کروڑ روپے کی تاریخی حد عبور کر گیا۔ اس دوران قرضہ جات 25 فیصد بڑھ کر 1,30,503 کروڑ روپے جبکہ جمع شدہ رقوم 17 فیصد اضافے کے ساتھ 1,73,420 کروڑ روپے ہوگئیں۔
بینک کی خالص سودی آمدنی (NII) 2 فیصد بڑھ کر 1,497 کروڑ روپے اور آپریٹنگ منافع 703 کروڑ روپے رہا۔ اثاثہ جاتی معیار میں بھی بہتری آئی، جہاں جی این پی اے (GNPA) گھٹ کر 2.37 فیصد اور این این پی اے (NNPA) 0.60 فیصد رہ گیا، جبکہ کیپیٹل ایڈیکویسی ریشو (CRAR) بڑھ کر 16.67 فیصد ہوگیا۔
منیجنگ ڈائریکٹر و سی ای او امیتاو چٹرجی نے کہا کہ مضبوط کاروباری نمو، بہتر اثاثہ جاتی معیار اور مستحکم سرمایہ بینک کی طویل مدتی ترقی کو مزید تقویت فراہم کر یں گے۔
 2 فیصد بڑھ کر 1,497 کروڑ روپے اور آپریٹنگ منافع 703 کروڑ روپے رہا۔){kind=link}