پیوش گوئل
مرکزی وزیر
تجارت و صنعت
بھارت نے 2014 کے بعد سے قابل ذکر ترقی کی ہے۔ اس کی معیشت بہت مضبوط ہے، بنیادی ڈھانچہ فیصلہ کن طور پر بہتر ہے، خواتین زیادہ بااختیار ہیں، کسانوں کو بہتر قیمتیں مل رہی ہیں، اور غریب زیادہ محفوظ ہیں۔ اس تبدیلی کا ایک مشترکہ موضوع ہے: وزیر اعظم مودی کا وژن اور قیادت۔
بھارت کی عوام ان کی بصیرت اور ہمدردانہ قیادت کے پیچھےمضبوطی کے ساتھ کھڑی ہے جس نے انہیں 10 جون کو ملک کا سب سے طویل عرصہ تک اعلی منصب پر فائز رہنے والا منتخب وزیر اعظم بنایا اور انہوں نے قوم کی خدمت کے 4,399 دن مکمل کیے، جس سے کہ انہوں نےجواہر لعل نہرو کی پہلی انتخابی کامیابی کے بعد ان کی مدت کار کو پیچھے چھوڑ دیا۔
تاریخی سنگ میل بھارت کے جمہوری سفر میں ایک اہم لمحہ ہے۔ ملک نے فیصلہ کن طور پر مودی حکومت کو 2014 میں ایک ایسے وقت میں اقتدار میں پہنچایا جب معیشت متزلزل تھی اور عوام میں مایوسی، پالیسی کی تعطلی، بدعنوانی، گھوٹالوں اور تنازعات کا بول بالا تھا جو کہ ساکھ کھوچکی یوپی اے حکومت پر حاوی تھی۔
ہمدرد قیادت – ملک 2014 سے تبدیلی کے سفر پر گامزن ہے۔ مودی حکومت نے 81 کروڑ سے زیادہ لوگوں کے لئے مفت اناج کو یقینی بنایا، 58 کروڑ جن دھن بینک کھاتوں کے ذریعے مالی شمولیت کو فعال کیا اور 16 کروڑ گھرانوں کو نل کے پانی کے کنکشن فراہم کیے ہیں۔ دنیا کی سب سے بڑی ہیلتھ انشورنس اسکیم آیوشمان بھارت کے ذریعے 12 کروڑ خاندانوں کو 5 لاکھ روپے تک کے مفت علاج کی یقین دہانی کرائی گئی ہے۔
بہت سے نوجوان بھارتیوں کے لئے یہ تصور کرنا مشکل ہو سکتا ہے کہ پہلے گجرات کے وزیر اعلیٰ کے طور پر اور بعد میں وزیر اعظم کے طور پر ان کی طرف سے متعارف کرائی جانے والی تبدیلیوں سے پہلے زندگی کتنی مشکل تھی۔ ان کی فیصلہ کن قیادت، ایک خیال رکھنے والے اور ہمدردانہ اندازِ فکر کے ساتھ مل کر،بھارت کو وکست بھارت 2047 مشن کی طرف لے گئی ہے، اور بھارت کے ورثے میں فخر کو ایک پرجوش ترقیاتی ایجنڈے کے ساتھ جوڑ دیا ہے۔
ناری شکتی
وزیر اعظم کے لئے خواتین نہ صرف امداد کی مستحق ہیں بلکہ قوم کی معمار ہیں۔ بنیادی باتوں پر سب سے پہلے توجہ دی گئی: سوچھ بھارت مشن کے تحت 12 کروڑ سے زیادہ بیت الخلاء تعمیر کیے گئے، حفاظت اور وقار میں اضافہ کیا گیا، جبکہ اجولا یوجنا کے تحت 10 کروڑ سے زیادہ مفت ایل پی جی کنکشن فراہم کیے گئے، خواتین کو دھوئیں سے بھرے کچن کے خطرات سے نجات دلائی گئی۔
بیٹی بچاؤ، بیٹی پڑھاؤ پہل نے بچیوں کی تعلیم اور بہبود کی اہمیت کو تقویت دی ہے۔ ناری شکتی وندن ادھینیم کے ذریعے وزیر اعظم نے خواتین کی زیرقیادت ترقی کو آگے بڑھانے کے لئے ملک کی مقننہ میں خواتین کی زیادہ نمائندگی حاصل کی ہے۔
کسانوں کی فلاح و بہبود
کسانوں کی فلاح و بہبود وزیر اعظم مودی کی پالیسیوں کا مرکزی ستون رہا ہے۔ پردھان منتری کسان سمان ندھی کے ذریعے کروڑوں کسانوں کو ان کے تعاون کے اعتراف میں انکم سپورٹ براہ راست منتقل کیا جاتا ہے۔ تقریباً 10 کروڑ کسان خاندانوں کو اسکیم کے تحت 4.28 لاکھ کروڑ روپے سے زیادہ کا فائدہ ہوا ہے۔
حکومت نے کم از کم امدادی قیمت میں بھی خاطر خواہ اضافہ کیا ہے، جو ابپیداواری لاگت سے کم از کم5.1 گنا ہے۔ نیز، کسانوں کو مناسب نرخوں پر فصلوں کے غذائی اجزاء تک مسلسل رسائی کے ذریعے کھاد کی عالمی قیمتوں میں تیزی سے اضافے سے محفوظ رکھا گیا ہے۔
نوجوانوں کے لئے مواقع
میک ان انڈیا اور سٹارٹ اپ انڈیا جیسے اہم اقدامات کو نوجوان بھارتیوں کے لئے مواقع پیدا کرنے کے لئے ڈیزائن کیا گیا ہے۔ ہنر مندی کی ترقی اور انٹرپرینیورشپ کی ایک سرشار وزارت کے قیام نے نوجوانوں کو جدید معیشت سے متعلقہ مہارتوں سے آراستہ کرنے میں مدد کی ہے، جبکہ بھارت کو ابھرتے ہوئے مصنوعی ذہانت کے انقلاب سے فائدہ اٹھانے کے لئے پوزیشن میں رکھا ہے۔
سٹارٹ اپ انڈیا نے اختراع کے لئے وسیع تر تعاون کے ساتھ، بہت سے نوجوانوں کو ملازمت کے متلاشیوں سے جاب تخلیق کاروں میں منتقل ہونے کے قابل بنایا ہے۔ ان اقدامات نے اقتصادی ترقی اور روزگار کے مواقع پیدا کرنے میں اہم کردار ادا کرنے کی صلاحیت کے ساتھ کاروبار کی ایک نئی لہر کی بنیاد رکھی ہے۔
معیشت اور زندگی میں آسانی
سال2014 سے پہلے،بھارت کو وسیع پیمانے پر دنیا کیکمزور پانچ معیشتوں میں سے ایک سمجھا جاتا تھا، جس پرسرمایہ کاروں کے اعتماد میں کمیتھی۔ جرات مندانہ اصلاحات، سرمایہ کار دوست پالیسیوں، مالیاتی نظم و ضبط اور کم افراط زر کے ساتھ،بھارت اب دنیا کی سب سے تیزی سے ترقی کرنے والی بڑی معیشت ہے اور کاروبار اور سرمایہ کاری کے لئے تیزی سے پرکشش مقام ہے۔
یو پی اے کے ذریعے دستخط کیے گئے کچھ غیر ذمہ دارانہ معاہدوں کے برعکسبھارت نے ترقی یافتہ ممالک کے ساتھ آزاد تجارت کے معاہدوں پر دستخط کیے ہیں، جس سے ہمارے نوجوانوں، کسانوں، چھوٹے کاروباروں، کاریگروں اور مزدوروں کے لئے بھارت کے مفادات سے سمجھوتہ کیے بغیر عالمی مواقع کھلے ہیں۔
حکومت نے اشیا اور خدمات ٹیکس اور ٹیکس کی کم شرحوں سمیت بڑی اصلاحات کے ذریعے کاروباری اداروں اور متوسط طبقے کا اعتماد بھی مضبوط کیا ہے۔ ڈیجیٹل انڈیا پہل، انٹرنیٹ تک رسائی اور ڈیجیٹل ادائیگی کے نظام کی تیزی سے توسیع کے ساتھ، شہریوں کے لئے روزمرہ کی زندگی کو آسان بناتے ہوئے معیشت پر نمایاں اثر ڈالا ہے۔
کاروباروں کو متعدد پرانے اور معمولی جرائم کو مجرم قرار دینے کے ساتھ ساتھ غیر ضروری تعمیل کے بوجھ کو ہٹانے سے مزید فائدہ ہوا ہے۔ متوسط طبقے کو بھی کافی ریلیف ملا ہے، جس میں75.12لاکھ تک کی سالانہ آمدنی انکم ٹیکس سے مستثنیٰ ہے۔
جدید انفراسٹرکچر
مودی حکومت تیزی سے بھارت کے بنیادی ڈھانچے کو تبدیل کر رہی ہے۔ آپریشنل ہوائی اڈوں کی تعداد دوگنی سے بھی زیادہ ہو گئی ہے، جو 2014 میں 74 سے بڑھ کر 160 سے زیادہ ہو گئی ہے۔
بڑے پیمانے پر ریلوے کی برقی کاری، بلٹ ٹرین کے پرجوش منصوبے، اور قومی شاہراہوں اور ایکسپریس ویز کی تیزی سے توسیع نے بھارت کے بنیادی ڈھانچے کے بہت سے حصوں کو دنیا کے بہترین ڈھانچے سے موازنہ کیا ہے۔
وزیر اعظم کے تاریخی سنگ میل کی حقیقی اہمیت خدمت کیے گئے دنوں کی تعداد میں نہیں بلکہ تبدیلی کے پیمانے میں ہے۔ ان کی قیادت نے غریبوں اور کسانوں کی فلاح و بہبود، متوسط طبقے کی امنگوں اور ابھرتے ہوئے بھارت کے عزائم کو حکمرانی کے مرکز میں رکھا ہے۔جیسے جیسے ملک آگے بڑھ رہا ہے، تبدیلی کا یہ سفر 2047 تک ایک وکست بھارت کی تعمیر کے لئے نئے عزم کے ساتھ جاری ہے۔
ززز
