جنگ نیوز ڈیسک
سرینگر، 7 اگست: حج کمیٹی آف انڈیا نے حج 2027ء (1448ھ) کے منتخب عازمین کو رہنمائی اور تربیت فراہم کرنے کے لئے اہل اور خواہش مند امیدواروں سے حج تربیت کاروں کی حیثیت سے انتخاب کے لئے آن لائن درخواستیں طلب کی ہیں۔
کمیٹی کی جانب سے جاری کردہ سرکلر کے مطابق خواہش مند امیدواروں کو اہلیت کے مقررہ معیار اور تفصیلی رہنما اصولوں کا بغور مطالعہ کرنے کے بعد مقررہ طریقۂ کار کے تحت آن لائن درخواستیں جمع کرانے کی ہدایت کی گئی ہے۔
تفصیلی سرکلر اور درخواست سے متعلق معلومات حج کمیٹی آف انڈیا کی سرکاری ویب سائٹ پر دستیاب ہیں۔ امیدوار اپنی درخواستیں 23 اگست 2026ء تک آن لائن جمع کراسکتے ہیں۔
